អំពីការប្រើប្រាស់ទំព័រវេបសាយនេះ

គោលបំណង និង បរិស្ថានប្រើប្រាស់

ទំព័រវេបសាយនេះមានគោលបំណងដើម្បីបង្កើតចេញជារូបរាងនូវការគាំទ្ររបស់មនុស្សគ្រប់រូបនៅលើពិភពលោកចំពោះអត្តពលិក។

សម្រាប់ឧបករណ៍ឆ្លងឆ្លើយ ផ្នែកទន់ និងបរិស្ថានផ្សេងៗទៀត ក៏ដូចជាការចំណាយទៅលើប្រព័ន្ធឆ្លងឆ្លើយដែលចាំបាច់សម្រាប់ការប្រើប្រាស់ទំព័រវេបសាយនេះ គឺជាការចំណាយនិងទំនួលខុសត្រូវទាំងស្រុងរបស់អតិថិជនជាសាមីខ្លួន។

ចំណុចហាមឃាត់សម្រាប់ខ្លឹមសារនៃការផ្ញើសារ

អ្នកប្រើប្រាស់ មិនត្រូវផ្ញើសារដែលរួមមានខ្លឹមសារដូចខាងក្រោមនោះទេ។

1. ខ្លឹមសារដែលមានលក្ខណៈបរិហារកេរ្តិ៍ ឬបង្ខូចកេរ្តិ៍ឈ្មោះចំពោះអត្តពលិក ឬបុគ្គលជាក់លាក់ណាមួយ ឬអង្គភាព ប្រទេស តំបន់ ជនជាតិ ឬសាសនា ជាដើម។ល។
2. ការឃោសនាក្នុងន័យនយោបាយឬសាសនា ឬក៏ ការផ្សព្វផ្សាយឬការបញ្ចុះបញ្ចូល ក្នុងគោលបំណងធ្វើពាណិជ្ជកម្ម។
3. ព័ត៌មានដែលអាចកំណត់អត្តសញ្ញាណបុគ្គល ក្រៅពីឈ្មោះហៅក្រៅ មានដូចជា ឈ្មោះពេញ(ឈ្មោះពិត) អាសយដ្ឋានស្នាក់នៅ លេខទូរសព្ទ អាសយដ្ឋានអ៊ីមែល ជាដើម។ល។
4. ខ្លឹមសារដែលរំលោភទៅលើសិទ្ធិអ្នកនិពន្ធ សិទ្ធិរូបភាព ឬ កម្មសិទ្ធិបញ្ញារបស់បុគ្គលទីបី។
5. ខ្លឹមសារដែលប្រឆាំងនឹងសីលធម៌សាធារណៈ ឬក៏បង្កភាពអាក់អន់ចិត្តចំពោះអ្នកដទៃ។
6. ខ្លឹមសារផ្សេងៗទៀតដែលការិយាល័យយើងខ្ញុំវិនិច្ឆ័យថាមិនសមរម្យ។

ការដាក់បង្ហាញ និង សិទ្ធិអ្នកនិពន្ធ/ពាណិជ្ជសញ្ញា

ចំពោះសារដែលបានផ្ញើរួច ការិយាល័យយើងខ្ញុំនឹងធ្វើការពិនិត្យបញ្ជាក់ចំណុចហាមឃាត់ខាងលើចំពោះខ្លឹមសារនៅក្នុងសារផ្ញើ
ហើយករណីខ្លះគឺនឹងមិនអាចដាក់បង្ហាញសារបានទេ។

សិទ្ធិអ្នកនិពន្ធទៅលើខ្លឹមសារនៃសារ គឺជាកម្មសិទ្ធិរបស់អ្នកផ្ញើសារ ប៉ុន្តែ នៅខណៈពេលក្រោយពេលផ្ញើរួច
នោះគឺចាត់ទុកថាបានផ្ដល់ការអនុញ្ញាតដល់ការិយាល័យយើងខ្ញុំនៅក្នុងការប្រើប្រាស់ខ្លឹមសារនោះដោយឥតគិតថ្លៃនៅគ្រប់តំបន់ទាំងអស់លើសកលលោក (ដូចជា ការដាក់បង្ហាញនៅលើឯកសារផ្សព្វផ្សាយ ការបញ្ជូននៅលើបណ្ដាញសង្គម ការបកប្រែឬសង្ខេបទៅជាភាសាផ្សេងៗ ជាដើម)។
ម្យ៉ាងទៀតគឺនឹងគ្មានការអនុវត្តសិទ្ធិបុគ្គលជាអ្នកនិពន្ធចំពោះខ្លឹមសារទាំងនេះឡើយ។

ការកំណត់លក្ខខណ្ឌទាក់ទងនឹងការប្រើប្រាស់

1. ក្រុមហ៊ុនយើងខ្ញុំសូមរក្សាសិទ្ធិនៅក្នុងការបង្កើតលក្ខខណ្ឌនានាទាក់ទងនឹងការប្រើប្រាស់សេវាកម្មរបស់អតិថិជន ក៏ដូចជាការដាក់កំហិតទៅលើការប្រើប្រាស់នោះ
   ស្របទៅតាមការចាំបាច់។ ករណីវិនិច្ឆ័យថាចាំបាច់ ក្រុមហ៊ុនយើងខ្ញុំសូមរក្សាសិទ្ធិនៅក្នុងការកែប្រែលក្ខខណ្ឌនានាទាក់ទងនឹងការប្រើប្រាស់
   ដោយមិនចាំបាច់ជូនដំណឹងទៅដល់អតិថិជននោះទេ។
2. ក្រោយពេលដែលក្រុមហ៊ុនយើងខ្ញុំបានបង្កើតឬកែប្រែលក្ខខណ្ឌនានា ការដាក់បង្ហាញនៅលើទំព័រវេបសាយនេះគឺចាត់ទុកថាជាការបានជូនដំណឹងទៅដល់អតិថិជន។ ការជូនដំណឹងនេះនឹងត្រូវបានដាក់បង្ហាញនៅលើទំព័រវេបសាយនេះ
   ហើយនៅពេលដែលអតិថិជនអាចមើលឃើញការជូនដំណឹងនេះតាមរយៈការចូលប្រើប្រាស់ទំព័រវេបសាយនេះ គឺចាត់ទុកថាការជូនដំណឹងទៅកាន់អតិថិជនបានចប់សព្វគ្រប់។
3. ករណីអតិថិជនបានល្មើសនឹងលក្ខខណ្ឌប្រើប្រាស់នេះ ឬក៏សកម្មភាពរបស់អតិថិជនបានបង្កការខាតបង់ដល់ក្រុមហ៊ុនយើងខ្ញុំ
   អតិថិជនត្រូវមានកាតព្វកិច្ចសងសំណងខូចខាតចំពោះការខាតបង់របស់ក្រុមហ៊ុនយើងខ្ញុំ។

អំពីការប្រើប្រាស់ឃុកឃី (Cookie)

ដើម្បីផ្ដល់ជូននូវសេវាកម្មឱ្យកាន់តែមានលក្ខណៈសមស្របចំពោះអតិថិជន ទំព័រវេបសាយនេះគឺកំពុងប្រើប្រាស់បច្ចេកវិទ្យាហៅថា ឃុកឃី (Cookie)។
គោលបំណងនៃការប្រើប្រាស់ឃុកឃី (Cookie) រួមមានដូចខាងក្រោម។

យុទ្ធនាការចែករំលែកនៅលើបណ្ដាញសង្គម ៖ កំណត់ត្រឹមតែនៅក្នុងប្រទេសជប៉ុនប៉ុណ្ណោះ

សម្រាប់កម្មវិធីផ្តល់រង្វាន់ចំពោះអ្នកដែលបានចែករំលែកសារពីទំព័រវេបសាយនេះនៅលើបណ្ដាញសង្គម គឺផ្តល់ជូនសម្រាប់តែអ្នកដែលកំពុងរស់នៅក្នុងប្រទេសជប៉ុនប៉ុណ្ណោះ។
ទាក់ទងនឹងព័ត៌មានដែលចាំបាច់សម្រាប់ការផ្ញើរង្វាន់ យើងខ្ញុំនឹងទាក់ទងទៅអ្នកដែលត្រូវបានជ្រើសរើសប៉ុណ្ណោះ
តាមរយៈការផ្ញើសារដោយផ្ទាល់(DM)តាមរយៈបណ្ដាញសង្គមជាដើម។
សូមលោកអ្នកកុំបញ្ចូលព័ត៌មានផ្ទាល់ខ្លួនណាមួយឱ្យសោះនៅលើទំព័រវេបសាយនេះ។
ក្រោយពេលយើងខ្ញុំបានទាក់ទងទៅអំពីការផ្ដល់រង្វាន់ ករណីគ្មានការឆ្លើយតបគិតត្រឹមថ្ងៃដែលបានកំណត់ ឬក៏
ករណីមិនអាចបញ្ជូនរង្វាន់ទៅដល់ដោយសារអាសយដ្ឋានមិនច្បាស់លាស់ឬការមិនស្ថិតនៅគេហដ្ឋានរយៈពេលវែង ការផ្ដល់រង្វាន់នេះនឹងត្រូវចាត់ទុកជាមោឃៈ។

ការផ្អាកសេវាកម្មជាបណ្ដោះអាសន្ន

ក្រុមហ៊ុនយើងខ្ញុំអាចនឹងផ្អាកសេវាកម្ម ដោយមិនចាំបាច់ជូនដំណឹងទុកជាមុនដល់អតិថិជន នៅក្នុងកាលៈទេសៈដែលមិនបានព្រាងទុកដូចខាងក្រោម។
ក្រុមហ៊ុនយើងខ្ញុំសូមមិនទទួលខុសត្រូវណាមួយទៅលើការខាតបង់ដែលបានកើតឡើងដោយសារការផ្អាកនេះទេ។

1. ករណីដែលត្រូវអនុវត្តការធ្វើតំហែទាំការពារតាមកាលកំណត់ ឬ ជាបន្ទាន់ ទៅលើផ្នែកទន់និងផ្នែករឹងជាដើម។
2. ករណីដែលមិនអាចផ្ដល់សេវាកម្មបាន ដោយសារគ្រោះរញ្ជួយដី អគ្គិភ័យ ទឹកជំនន់ បន្ទុះភ្នំភ្លើង ការដាច់ចរន្តអគ្គិសនី ជាដើម។ល។
3. ករណីដែលមិនអាចផ្ដល់សេវាកម្មបាន ដោយសារសង្គ្រាម ភាពចលាចល កុបកម្ម ជាដើម។
4. ករណីដែលពិបាកបន្តការងារសេវាកម្មនេះ ដោយសារបញ្ហានៃប្រព័ន្ធគ្រប់គ្រងកុំព្យូទ័រ ឬ ការលួចចូលប្រព័ន្ធកុំព្យូទ័រ ជាដើម។ល។
5. ករណីផ្សេងៗទៀតដែលយើងខ្ញុំវិនិច្ឆ័យថាចាំបាច់ត្រូវផ្អាកសេវាកម្មផ្នែកប្រតិបត្តិការឬបច្ចេកទេស។

អំពីការលើកលែងទំនួលខុសត្រូវ

ក្រុមហ៊ុនយើងខ្ញុំសូមមិនធានាដល់ភាពពេញលេញ ភាពសុក្រឹត និងភាពផ្ដល់អត្ថប្រយោជន៍ជាដើម ទាក់ទងនឹងព័ត៌មាន កម្មវិធី សេវាកម្មគ្រប់ប្រភេទ
និងចំណុចផ្សេងៗទៀតគ្រប់យ៉ាងដែលទាក់ទងនឹងទំព័រវេបសាយនេះឡើយ។

ក្រុមហ៊ុនយើងខ្ញុំសូមមិនទទួលខុសត្រូវណាមួយចំពោះឧបទ្ទវហេតុទៅលើផ្នែកទន់និងផ្នែករឹងដែលកើតឡើងដោយសារការប្រើប្រាស់ទំព័រវេបសាយនេះ
ឬបញ្ហាដែលបានកើតឡើងក្នុងចំណោមអតិថិជនឬរវាងអតិថិជននិងបុគ្គលទីបី ក៏ដូចជាការខាតបង់គ្រប់យ៉ាងដែលកើតឡើងដោយសារឧបទ្ទវហេតុផ្សេងៗទៀតនោះឡើយ។

អំពីច្បាប់អនុលោមនិងយុត្តាធិការ

ករណីកើតមានទំនាស់ពាក់ព័ន្ធនឹងលក្ខខណ្ឌប្រើប្រាស់នេះរវាងក្រុមហ៊ុនយើងខ្ញុំនិងអតិថិជន ភាគីទាំងពីរត្រូវធ្វើការពិភាក្សាដោយសុច្ឆន្ទៈដើម្បីដោះស្រាយទំនាស់នោះ។
ករណីចាំបាច់ត្រូវដាក់ពាក្យបណ្ដឹងគឺត្រូវកំណត់យកច្បាប់នៃប្រទេសជប៉ុនសម្រាប់ធ្វើជាច្បាប់អនុលោម
ហើយត្រូវកំណត់យកតុលាការដំបូងតូក្យូសម្រាប់ធ្វើជាតុលាការផ្តាច់មុខដែលមានយុត្តាធិការ។.

អនុវត្តគិតចាប់ពីថ្ងៃទី16 ខែកក្កដា ឆ្នាំ 2026

អនុវត្តគិតចាប់ពីថ្ងៃទី16 ខែកក្កដា ឆ្នាំ 2026